Syairan indung

بسم الله الرحمن الرحيم

ka indung urang mah munjung    ☼    ka bapa urang ngupama

sabab indung anu ngandung   ☼   bapak mah anu ngayuga

salapan sasih lamina     ☼ indung ngkandung putrana

bari  di rawat di riksa    ☼ sangkan salamet lahirna

dimana dugi waktosna   ☼ nyeri ripuh teu di rasa

banjir gertih saenyana  ☼ indung mah naruhkeun nyawa

bapak maturan satia  ☼muntang tulung jeng ngadoa

budakna lahir ka dunya    ☼ indung ceurik  bahagia

bapak rikat buru buru     ☼ ngadanan ceupil katuhu

anak  di candak di rawu  ☼ buru buru di pangku

dina ceupil anu kenca    ☼ qomat ku bapa di baca

syukur bungah bari bagja    ☼salamet lahir ka dunya

dua tahun di sususan    ☼ di urus jeng di mandian

di dandanan di minyakan   ☼di huapan di usapan

waktu indung ker sarapan  ☼ anakna teh kaberatan

ku indung mah di obehan   ☼   dahar indung di ereunan

indung mah teu kaur rapih   ☼ budakna di lahun kiih

gewat budakna di raih  ☼ popokna di gentos bersih

indung henteu eren ngurus   ☼malah mandar budak mulus

najan awak indung kurus  ☼ ibadah niatna tulus

dina teu ngarenah budak ☼  soca indung carinakdak

jantung ratug hate nyeblak  ☼ hariwang bangrt ka budak

mun budak paranas tiris  ☼ di pangku bari di ais

di simbutan bisi tiris  ☼ indung mah baseh  ba rucis

nyakitu lamun ges gede    ☼indung mah poho ka cape

budak teu di perdih gawe   ☼ asal di ajar sing hade

di mana hayang rarabi  ☼ nu riweh bapak jeng umi

gudar  gedor  jeng milari    ☼bari  hate  rada nyeri

sawaktu lahirna incu ☼ indung mah  ciga pembantu

ngasuh nyeseh bari nyangu ☼  indung mah teu nggurutu

awak indung nika begang ☼  lantaran ngurusan urang

najan bari kurang daang ☼ anak mah taya karingrang

sawaktu indung ker gering ☼  gualng guling berang peting

anak mah teu ambil pusing ☼ malah mah kalah teu eling

ajalna  indung di jemput ☼  ku malaikat  maut

anak incu sing kulunut ☼ kaduhung henteu narurut

hanjakal teu manggih tung2 ☼  loba doraka ka indung

ngan ukur bisa kaduhung ☼indung ges di jero padung

nun gusti pangeran abdi☼ hapunteun dosa sim abdi

dosa  ibu  rama  abdi  ☼ nu tos  nyaaheun  ka abdi

sareng  mugi- mugi  gusti ☼ nempatkeun ka bapak umi

di tempatna  rohmat gusti ☼ lebetkeun kana sawargi

by;santri elite 

Lalakon di kobong

Dikobong lamun ker bingung # taya pisan keur nyalindung

Udud ge ngan ukur kuntung # bari di harudung sarung

Sangsara karasa pisan # hirup di tanggung sorangan

Paitna teh alahbatan #duh gusti abdi tulungan

Dina batin mah ngajerit # ngoceak maratan langit

Unggal dinten soca bintit # kana hate ge nyeletit

Iyeu syiir di seratna # di lebet kobong nyalira

Kenangan nu pang paitna #muga sing aya hikmahna

Karasa pisan sedihna  # nalangsa kabina bina

Mun emut ka ibu rama # nu tos masihan bekelna

Rama nu ngajajap uih  # adbi di kantunkeun sedih

Ku rerencangan di raih# dihibur sangkan teu sedih

Mimitina mah ka paksa   #  lila lila mah biasa

Bari di ajar dewasa  #  nuntut elmu pangabisa

Sa dinteun mah henteu puguh # jeng babaturan can wawuh

Ngobrol ge rada aracuh # da aku mah apa atuh 

Di gugahkeun subuh subuh  # ku santri nu atois sepuh

Bari soca masih tunduh # lulunguh asa teu puguh

Ku guru teh kohkolan  # ciri ngaos di kawitan

Ngabring sanrti babarengan # ngawitan ngaos sorogan

Enjing sorogan safinah # siang gngos mutamimah

 sore  nalar jurumiyah # wengina ngaos alfiyah

Ngaos teh geningan sulit # bahasan ge pabelit

Ngartos sa alit sa alit # perjuangan santri elit

Ngaos the seer gogoda # lain berja jeng caritra 

Komo deui ku wanita #jarang anu teu kabita

Kitu deui santri istri # masing bisa tahan diri

Kade kagoda lalaki # anjen kedah hati hati

Rengse nagos jam sabelas # gewat nyariukan beas

Masak saurang sa gelas # aduh ibu meni waas

Ari dahar di amparan # jeng bvatur balakecrakan

Najan henteu di laukan #nikmatna teh alah batan

Ari sangu ciga lempah # loba cai jadi bekah

Paling oge make uyah # nyoel sambel bari sehah

Ari dahar ciga meri # kaluar mah ciga mantri

Sakapeng sok hayang seri # kitu kalakuan santri

Ceuk nu gede silaing mah # mun dahar hayang nu ngenah

Ke bae ari di imah #sa daekna ngararenah

Atawa tos di anteranm # mukla timel di laukan

Nikmat batan di restosan # kos di bui di besukan 

Sedih mun waktu ges burit # beteng lapar sing purilit 

Sedengkeun teu boga duit # boro keur meli biskuit

Boga roikmok ngan sabatang # kitu ge menang ngahutang 

Babaturan meni reang # kabeh menta pada hayang

Kolot bangun teu ingeteun # ka abdi ciga nu miceun 

Sakapeng mah pi ambekeun # ciga nu ter lantarkeun

Mugi ibu sareng bapa # ka abdi sing ngahampura

Dosa abdi nu pohara  # ka ema sareng ka bapa

Mudah mudahan sing kiat # nahan gogoda maksiat

Sing kengeng elmu manfaat # kangge dunya jeng akherat

Sakitu nadzoman abdi # judul pangalaman nyantri

Doakeun ku wargi wargi # abdi sing jadi kiayi 

by;santri elite 

Pepeling kanggo santri

Iyeu sairan sim kuring  #  di tulis na waktu peting

Di bacakeun  ngahariring  # muga sing jadi pepeling

Pepeling ker kanu  ngaji  #  rerutama amang santri

Teu ka kantun ibi sanrti  #  nu sami sami milari

Ngaos teh di al barokah  #  tersimpan kenangan indah

Najan tempat sisi sawah   # tapi hate asa bungah

Awalna mah  memang wegah  #  lila lila jadi betah

Kumpul riung berjama’ah  # di lebeut iyeu madrasah

Milari elmu sing nyaan  # kedah tahan  ku godaan

Ulah waka bobogohan  #  sing emut  kana tujuan

Tujuan urang rek ngaji  # miceun ka bodoan diri

Matak kudu ati ati  # niat urang kudu matri

Mun ngaos ulah nundutan  #  komo bari gogoleran

Bisi jadi sare nyaan  #  kitab henteu kalogatan

Sing emut urang ka sepuh  #   ngbiayaan teh  ripuh

Hampir hampir henteu mampuh  # matak kedah sungguh sungguh

Matak urang kedah rajin  #  di kobongkedah perhatin

Kana elmu masing yakin   # ulah osok loba ulin

Mengpeng urang ker di kobong  # ulah sok loba malaweng

Nu teu apal pek tanyakeun  # taroskeun kanu arageung

Mengpeng aya kasempetan  # urang ngaos kudu  nyaan

Se’erkeun urang talaran  # sangkan elmu teh nambahan

Mengpeng urang nuju salse  # waktu gunakeun sing hade

Ulah osok loba sare  #  komo mikiran awewe

Husus kanggo amang santri  #  anjen kudu hati hati

Kade kagoda ku istri    #   masing bisa nahan  diri

Sabab  istri teh  gogoda   #  gogoda nu pang gedena

Teu sa alit caritana   #  gagal teu hasil elmuna

Kitu deui ka santriat  #  anjen ngaos  kedah giat

Bilih ka bujeng kiamat #  matak ulah sok terlambat

Mun terlambat  dina ngaji  # hanjakalna mah panderi

Upami atos di bumi  #  urang hente bisa ngaji

Lamun guru ker nerangkeun  #  pek ku urang perhatoskeun

Ngalogat kade  tingalen   #  mun atos pek arapalkeun

Mun ngaos kedah serius  #  pikiran urang sing pokus

Tong loba apdet stasus  # tulas tulis dina kardus

Mun ngaos kedah tarapti  #  perhatikeun ameh ngarti

Ulah sok se’er ngarumpi # komo mikiran lalaki

Lalaki mah sok ngagoda  #  ka para kaum wanita

Kade urang tong ka bita  #  najan di bibita harta

Lalaki mah masih loba  # tong dipikiran ayena

Ulah sok gancang narima  #  bisi hanjakal ahirna

Hanjakal tara ti hela  #  kitu cenah eceuk beja

Ngaji hela masing enya   # jodo mah  moal kamana

by;santri elite